Церковь во имя Святой Равноапостольной Марии Магдалины

Молитва матери к Милосердному Господу о младенцах, загубленных во утробе.

Помяни, Человеколюбче Господе, души отшедших рабов Твоих, младенцев, кои во утробе православных матерей умерли нечаянно от неведомых действий, или от трудного рождения, или от некоей неосторожности, или от сознательно загубленных и потому не принявших Святого Крещения. Окрести их Господи в море щедрот Твоих и спаси неизреченною Твоею благодатию, а меня, грешную (имя), совершившую убийство младенца в утробе моей, прости и не лиши Твоего милосердия.

Боже, милостив буди мне, грешной. (Земной поклон)

Господи, помилуй чад моих, умерших во утробе моей, за веру и слезы моя, ради милосердия Твоего, Господи не лиши их Света Твоего Божественного. Аминь

(Молиться всю жизнь)

Молитва покаянная за аборты.

Благодарю Тя, Господи, яко ныне, аще и поздно, осознала есмь свой смертный грех извержения плода из утробы моея по воле моей. Открылась есть в сердце моем жалость великая к загубленным душам детей моих. И нет мне ныне оправдания, ни утешения, ни покоя. Но не допусти мя, Господи, до отчаяния, во искупление же сего смертного греха моего приими вопли моя, стенания и горькие слезы раскаяния. Аминь.

Молитвы жен, загубивших младенцев во утробе своей

О, Владыко, Господи Иисусе Христе, Сыне Божий! Премногия благости Твоея, нас ради человек и нашего ради спасения в плоть оболкийся и распныйся и погребыйся за ны, неблагодарныя и злонравныя, и Твоею Кровию обновивый растлевшее грехом естество наше приими мое покаяние во грехах и услыши глаголы моя: согрешила, Господи на небо и пред Тобою, словом, делом и помышлением, душею и телом, заповеди Твоя преступила, не послушала есмь повеления Твоя, прогневала есмь Твою благость, Боже мой, но яко творение Твое есмь, не отчаяваюся во спасении и к безмерному Твоему благоутробию дерзая прихожду и молюся Тебе: Господи, в покаянии даждь ми сокрушение сердечное и приими мя молящуюся, и даждь ми мысль благу, даждь ми помысел исповедания грехов моих, даждь ми слезы умиления, Господи, даждь ми по благодати Твоей положити начало благое. Помилуй мя, Боже, помилуй мя падшую, и помяни мя, грешную рабу Твою во Царствии Твоем. Аминь.

О Боже, Премилосерднейший Христе Иисусе, Искупителю грешных, ради спасения рода человеческого Ты оставил еси, Всемилостиве, преславная Небеса и вселился еси во юдоль сию плачевную. Ты приял еси на Божественная рамена Твоя наша немощи, и понесл еси наша болезни; Ты, о Страдальче Святый, уязвлен был еси за грехи наша, и мучим за беззакония наша, темже убо возносим к Тебе, Человеколюбче, наша смиренныя мольбы: приими их, о Преблагий Господи, и снизойди к немощам нашим и грехов наших не помяни, и гневное отмщение за грехи наша отврати от нас. Кровию Твоею Всечестною обновивый падшее естество наше, обнови, Господи Иисусе Христе, Спасителю наш, и нас, во тли грехов сущих, и утеши сердца наша радостию всепрощения Твоего. С воплем и слезами раскаяния припадаем к стопам Твоего Божественного милосердия, очисти нас, Боже наш, Божественною благодатию Твоею от всех неправд и беззаконий наших. Да во святыни Твоего Человеколюбия восхвалим всесвятое имя Твое, со Отцем, и Преблагим, и Животворящим Духом, ныне и присно, и во веки веков. Аминь.

Милосердия двери отверзи нам, Благословенная Богородице, надеющиеся на Тя, да не погибнем, но да избавимся Тобою от бед, Ты бо еси спасение рода христианского.

О Пречистая Мати Господа Бога и Спаса нашего, Иисуса Христа, буди ми Ходатаица в день страшного испытания, егда предстану Престолу Нелицемерного Судии, яко да огненного прещения и муки избавлюся молитвами Твоими, Едина Благословенная.

Пресвятая Богородице, спаси нас!

Молитва беременной женщины, отягощенной детьми и искушаемой мыслью об аборте.

Ты, Господи, благоволил по закону естества женщинам рождать. Ныне я вновь непраздна, а муж требует аборта, и окрест живущие и знаемые мне понуждают меня на это преступное деяние. Укрепи душу мою, Милосердый, сохрани зачатый плод мой, отжени от меня малодушие и смягчи укоры мужа моего и прочих лжедоброделателей. Боже, Спасе мой, подаждь ми твердость и помощь во благовремении родити сие чадо мое, ныне уже возлюбленное, и воспитати его в добрых христианских началах, и посвятити его на служение Тебе и Церкви Твоей Святой. Аминь.

Покаянная песнь

По благословению митрополита Санкт-Петербургского и Ладожского Иоанна (Снычева)

Молитву пролию ко Господу моему
И тому возвещу печали моя.
Услыши, Господи, вся воздыхания моя
О детках моих, отверженных мною.
Услыши, Господи, глас моления моего
О детках во чреве убиенных,
Безвинных и безымянных,
Отданных на поругание.
Не остави младенцев,
Мною преданных на мучение.
Услыши, Господи, вся печали моя
О детках моих, погубленных мною.
Услыши, Господи, исповедание мое,
О детках на смерть обреченных,
Безгласных и безответных,
Отданных на растерзание.
Не остави младенцев,
Мною преданных на убиение.
Горе мне, блуднице!
Увы мне, матери безумной!
Како возмогу я отвещати Небесному Отцу?
С коим дерзновением воззрю на Судию?
Предавшая детей,
Смогу ли отыскати оправдание?
Ты видиши, Господи, вся согрешения моя,
Тайные и лукавыя деяния,
Прости ми, Господи, вся беззакония моя,
Слепаго ума помрачение.
Яко разбойника простил еси,
Принесшего покаяние,
Тако и мене прости,
Чада своя погубити возмогшую.
С Тобою, Господи, вся упования моя,
Надежда благая и утешение.
Прими, Владыко, вся предстояния моя,
О детках безымянных прошение:
Не лиши младенцев благодати Крещения,
В Царствии Небесном радости вечныя.
Горе мне, блуднице!
Увы мне, окаянной!
Како возмогу я повстречати на Небесах
Мною на земли отверженных детей?
В Судный час отыскати ли оправдание?
Господи, к Тебе вся воздыхания моя.
Прости ми, Господи, вся согрешения моя,
Пошли ми скоро надежду утешения,
О детках милых нечаянную радость.
О них бо исплакалося сердце мое
Печалию неутолимою.


Free Web Hosting